Къариб Къарибов

Къарибов Къариб Алавудинович 1936-йисуз Мегьарамдхуьруьн райондин Гарагъ хуьре дидедиз хьана. Юкьван мектеб куьтягьна, армиядин жергейра къуллугъна, ада гзаф йисара Дербентда, Кьибле Дагъустандин районар электрикламишзавай идарада, кIвалахзава.
Къ. Къарибов жегьил вахтарилай шиирар теснифунал, чуьнгуьр ягъунал ва манияр лугьунал машгъул я. Ада ватандакай, тIебиатдикай ва муьгьуьббатдикай кхьенвай шиирар ("Чи дагълара", "Канда заз", "Шехьмир билбил", "Я Шагьсенем", "Дуьнья карвансара я", рубаияр ва мсб.) лезги газетрин чинриз акъатзава. 1998-йисуз кIелзавайбурув заридин сад лагьай ктаб "Чуьнгуьр" агакьна.

Акимов Къ. Х. «Лезги зарияр»