Лезги мехъер

Муьгьуьббатдин лепедавай
Атир я, дуст, лезги мехъер.
Лезгидин кьил вине твадай
Магьир я, дуст, лезги мехъер.
Лезги чIалал рахаз зуьрне,
Авазрикай къачуз лезет,
Шадвилерин лап гьа дегьне
Са сир я, дуст, лезги мехъер.
ПРИПЕВ:
Майдан гана туьнт кьуьлериз,
Къе лезгидин гур мехъер я.
Ашкъи гана шад рикIериз,
Кьве жегьилдин са бегьер я.
Мехъер я къе, чи мехъер я.
Ашкъид гуьзел са сегьер я.
Свасни гада, сивеллаз хъвер,
Кьвед кьве вилин нур, эквер я.