Руслан Къафланов 1951-йисуз Миграгъа дидедиз хьана. Ина юкьван школа, Красноярск шегьерда юридический институт акьалтIарна, саки вири уьмуьр гьана къанун-къайда хуьдай органрин къуллугъдиз бахшна. Ял ядай вахт агакьна, Руслана вичин хсуси кар ачухна, генани Красноярск шегьерда вичин хизандихъ галаз уьмуьр кечирмишзава.
Лагьана кIанда, хуьруьвай - кIваливай фадлай къакъатнаватIани, шаирди хайи чIалаз, тIебиатдиз, лезги шииратдиз вафалувал хвенва. Саки вири эсерар хайи чиликай, багърийрин кьисметдикай, вахтунин къаршивилерикай, суалрикайни жавабрикай ибарат я. И вафалувили адан тIвар “Миграгърин булахар” (1994) умуми кIватIалда, “Лезги зарияр” - куьмекчи ктабда (2015) тунва. Шаирдин хейлин эсерар чи газетризни журналриз гьеле алатай ХХ асирдин 80-йисарилай акъатзавай.
Лезги газетдай
Добавить комментарий