Са булахдин мани гьатна рик1е зи,
Къайи ятар дили рик1яй авахьна.
Квар къуьневаз яр акурла рекъе зи,
Вири гъамар зи рик1елай алатна,
Къайи ятар, дили рик1яй авахьна.
Къайи ятар, мелгьем хьана гъамариз,
Зун ашкъидин гъавурда жез алахъна.
Рек1в-рек1в гана дерейрини, тамари
Рик1и ч1ехи ашкъидалди к1валахна.
Зун ашкъидин гъавурда жез алахъна.
Пехил хьана т1ебиат чи бухахдал,
Зарафатна, к1ани ярдиз «къвед» лугьуз.
Гъил эцигна берекатдал, булахдал,
Чун даима кьведни санал жед лугьуз.
Зарафатна, к1ани ярдиз «къвед» лугьуз.
Рубрика
Добавить комментарий