Рик1ин ц1ай

Лугьуз тахьуй шаир Эйваз сефил я,
Дидед ч1алал шиир кхьид бахт авай.
Лугьумир заз ви дердияр т1имил я,
Зи илгьамдиз гьар береда вахт ава.

Тек худадал яргъи ийиз гъил жуван,
Инсан я зун, дурум гуда азабриз.
Вуч хъсан я, илгьамди гъил къада зи,
Акур ч1авуз сад муькуьда татабриз.

И гуьзел бахт гьар инсандиз несиб туш
Шиир ялав, шиир рик1ин ц1ай я зи.
Рик1ин булах, чешме я зи хиялрин
Лезги шиир дидед ч1алан пай я зи.