Квез вуч ярашугъ я

Мурад я дуьньяда 
КIани рушни гада. 
Нехирбандиз чанта, 
УстIардиз кIута 
ХупI ярашугъ я.

Хпериз - яйлах, 
Дагълара булах, 
Рагъул кIицI къвалахъ, 
Чубандиз - чумахъ 
ХупI ярашугъ я.

Парчадиз - гьар ранг, 
Пурариз - уьзенг, 
Гьар мектебдиз - зенг, 
Гъуьрчехъандиз тфенг 
ХупI ярашугъ я.

Къаридиз - гъалар, 
Ахмакьдиз - къалар, 
Саларбандиз - салар, 
Лежбердиз - малар 
ХупI ярашугъ я.

Юг гатайдаз - хвар, 
Динжвилиз - ахвар, 
3атI жакьваз сухвар 
ХупI ярашугъ я.

Билбилдиз - цуьквер, 
Чайдив хъваз шекер,
МичIивилиз - эквер,
Властдиз - аскер 
ХупI ярашугъ я.

Вич акьуллу инсан, 
Чир жен пис - хъсан, 
Гатфариз чил къазан 
Трактордал цан - 
ХупI ярашугъ я.

Муьжуьд сят юкъуз 
Kpap вилик тухуз, 
Герек туш ялгъуз, 
Кесибдиз - калхуз 
ХупI ярашугъ я.

Туна бapмак пеле, 
Лапатка гъиле, 
Чанда авачиз гьилле 
Гьукуматдиз - фяле 
ХупI ярашугъ я.

Кьарандашдал цlap, 
Рушариз тарсар, 
Гьаник жен сусар, 
Итимризни - курсар 
ХупI ярашугъ я.

Кесибдиз - гьуьруьят,
Дугъри тIебиат, 
Азадвилиз  - гъейрат, 
Сулейманаз - тIебиат 
ХупI ярашугъ я.

I930