Дезгагьдин имарат кайила

Ихьтин дезгагьдин имарат 
Нин рикIиз вун къана, селхоз? 
Чилни, къавни тахта - нарат, 
Гьайиф, ни вун кана, селхоз?

Нин ханай кьван вакай кефи, 
Икьван язух авуна ви? 
Мидя вуж хьуй ихьтин кIеви? 
Ни рикI вакай хана, селхоз?

Гьи гьалдаллаз зун вав луькIвен?
Имни инсаф жедан мereн?
Шумуд канциларни туьквен, 
Бес гьабур вутI хьана, селхоз?

Эвел кьиляй акьван ширин, 
Эхир вун низ хьана серин? 
Чи юлдашар лежберарин 
РикIер на атIана, селхоз.

Кесибариз гзаф сейли, 
Кепекдин вун тунач ерли. 
Икьван фад вуж хьана дили? 
ГьакI пуч хьана чIана селхоз.

Меген жедан икьван гужар? 
Са куьниз вун тунач ухшар. 
Гьафтедин физ ийиз базар, 
Анкай вуч кьатIана, селхоз?

Амач ви шуьшеяр, ракьар, 
Ажуз хьана фекъир халкьар.
 Ви виликан бахтавар къар
 Гъиляй (а) къатна фена, селхоз.

By хьтин нече шумуд - шумуд 
Кана фабрик, шумуд завуд. 
Мад хьунухьиз ийиз умуд
СтIал Сулеймана, селхоз.

I927 - I929