Кьве кIвачел къекъведай са лам 

Кьве кIвачел къекъведай са лам 
Акуна заз, тIвар авайд туш:
Чидач хьи гьич чIугвар улам, 
РикIиз гьич кьарар авайд туш.

Ахьтин затI жеч и дуьньяда:
Рипе мухни санал неда, 
Куьгьне леэн кваз гуьнеда 
Кьежей къуз гьунар авайд туш.

Я яц, я балкIан, я гамиш - 
Гьич са затI жеч икьван къизмиш. 
Адаз вичиз гьич бегенмиш 
Падишагь Хинкар авайд туш.

Куьгьне кьенер вичин сиве
Тун тавуртIа, кьада дяве, 
Klacнa рекьиз кIанда деве, 
Вичелай санкIар авайд туш.

Гьакьван рази хьанава чун, 
Виш манат це квезни къачу, 
Тумун кIаник яцIу кашу 
Квайд я, мад кIаркIар авайд туш

Тегьер лугьун за квез адан:
Вичиз кIанда кьилди майдан. 
Гьелбет, жинс я лап гьамадан, 
Пара юмшагъ чIар авайд туш.

Рангни буз я, вичин эркек, 
Агъзурдакай садни жеч тек, 
ТIиш цавуз кьаз яда гьакI кек, 
Юкъуз - физ ахвар авайд туш.

Гьикьван туькIвейд я амалар, 
Тваз вичин хамуна ялар, 
Тадайд туш нехирда малар, - 
Гена вич крчар авайд туш.

Къекъуьнизни гьакьван зирек, 
Регъуьз секлем тухуз герек. 
Твагни къалгъан язва хуьрек, 
Maca куьнив кар авайд туш.

Еришдизни гьакьван дири, 
Са синих ква - тум я куьруь. 
Гьелбет, рехи хьана фири, 
Акьул вич самбар авайд туш.

Залпанддин кьил вуна чилел 
Вегьимир, алчуда гъилел:
Диши лам акуртIа, кьилел
ЧIугвад, ихтибар авайд туш.

Гьар къвайи къуз кьадач кIвачер, 
Алукьиз кукIварда тIишер. 
Гьич са затI жеч ихьтин ашер. 
Тавш лугьуналд ар авайд туш.

Акахьна балкIандин тIветIвер, 
Гьалчиз чилел къахчуз метIер. 
Гьич са затI жеч ихьтин бетер, 
Лугьунин кьадар авайд туш.

Халис шив хьтинд я хвейи, 
Виш манатдин я гьавайи. 
Чубандилай къир - савайи, 
Масадаз бакар авайд туш.

Гагь - гагь акьул жеда кьери. 
Вичиз течиз вичин ери. 
КIватIайтIа гьайванар вири, 
Адав барабар авайд туш.

ТIимил мухалди вердиша, 
Йифди - югъди, гьар гьамиша 
Жезамай кьван ишлемиша. 
Ял ягъиз икьрар авайд туш.

Эй, Сулейман, на и ванер 
Низ хьуй лугьуз гьалчда къванер? 
Эхир кукIварда ви къуьнер. 
Им чIалаз ухшар авайд туш.