Кьашкьа духтур

КЪИЯС МЕДЖИДОВ

КЬАШКЬА ДУХТУР

1кьил

ГЪВЕЧIИ ТИФЛИС МАСАН ЕРИ

Хуьре, куьруь вахтунда экв квай ири стIалрин марф къвана. Рагъул, атIугъай цифер амач. Абур лацу хьана, ахпа хпен суьруь хьиз, цавун бушлухдиз чкIана. Ччил ишигълаван хьана. ЧIерейрик чуьнуьх хьанвай нуькIвери ван къачуна. ЧIижери гьар патахъ лув гана.
Гатфарин и пакамахъ Самур округда, михьивилер хуьнин управлениедин начальник, доктор Антон Никифорович Ефимов багъдихъ элкъвенвай яргъи айвандал къекъвеидалаи гуьгъуьниз адан са кьиле авай столдихъ ащукьнаЛХушдиз ачух тир, лацу, кутугай шикилрин ччин алан доктор, исятда гьяркьуь пелел капаш алаз, шадвал, мягьтелвал аквазвай вилерай багъдиз килигзава. Адал хуруда атIлас авай чIулав рангунин костюмар, чIулав шуькIуь кIуфар алай чекмеяр, крахмалдай акъудна хев гилигнавай лацу рубашка ала. Докторяин тIимил кьван расу мег кьве т;Iуб алай чкадал бегьем лацу я, кьилин чIарарилай чIулав тир шуькIуь спелри адан суьретдиз хейлин агъайнавилин лишанар гъанва....