Лезгиния

Манкъулидхуьр – Лезгиния зи гуьзел!
Лезги чилин хурал ала инжи хьиз.
Бахтавар я вал Ракъинин гьар са тел,
Перишан я ви ряденар хъен чкIиз.

Ина чIехи са чIугвар я тIебиат,
Гадни гатфар махара хьиз гуьзел я.
И чил акваз жезва даим гуьгьуьл шад,
Шаирдинни илгьам ина са сел я!

Ина зи халкь, мерд къилихрин лезги эл,
Ина кьегьал рикIер ава, тIал авай.
Забитан руьгь ксанва зи пак чилел,
И гьавада Шарвилидин ял ава.

Ухшар я вун гьар са лезги бадедиз,
Ви пелевай гьар шуьткъвер заз масан я.
Манкъулидхуьр – Лезгиния зи азиз!
Вун зм къадим лезги махни кьиса я!