Мичlи йифер мичlи жеда , лал жеда ,
Гъетер куда цавун хурал умуд хьиз.
Зи рикl йифиз зи гъамарин цlал жеда ,
Шумуд мурад чlух хьанва зи, шумуд кис.
Заз йиферин мичlерикай кичlеда,
Дуьньяди чин кlевда чlулав вуалдив.
А йифери гагь-гагь зи рикl кьечlеда,
Гьей регъведа ялгузвилин суалдив.
Мичlи йифер мичlи жеда, лал жеда,
Экъечда шад гъетер чпин параддиз.
Гъерден са гъед кана цава пал жеда,
Уьмуьрда заз маяк хьайи мурад хьиз.
Рубрика
Добавить комментарий