Яр ваз сифте йиф мубарак
Зардин либас алукьзавай,
Тавханада агална рак
Чамрахъ галаз ацукьзавай.
Уьмуьрда сад лагьай сефер
Вун гъизавай зид я кефер,
Бурмадавай яргъи кифер
Са чlиб чилик галукьзавай.
Мурад тирвал халкьдин еке,
Кьуна жуваз мягькем бине,
Гьамиша зи кlвалин къене
Аманат яз амукьзавай.
Зи чан къурбан тушни вазди,
Лугьуз закай хабар кьазди,
Гьинихъ фейтlан вил алазди,
Зи къайгъудик кумукьзавай.
Милиз хъуьрез шад жувавди
Сугьбетариз гваз патавди
Шаир Кьилегь Къудратавди
Мугьуббатдив гумукьзавай.
Рубрика
Добавить комментарий