Шаир Къудрат хтанава

Кхьизди зи хайи газет
Рикl ашкъидив ацlанава,
Квезни чириз адан лезет,
Шаир Къудрат атанава.
Хьун тавуна садни яргъаз
Гьар са хабар гузавай чаз,
Кхьихь газет, ша, захъ галаз,
Дуст вун вучиз ксанава?
Ксайбурни уяхриз
Шаир Къудрат хтанава.

Тади галаз агата фад,
Гежар тийиз са кlусни мад.
Чи хуьрейни шумудни-сад
Газет кхьиз атанава.
Муьгьуьббатдин шиирар гваз,
Шаир Къудрат хтанава.
Кьве чlалални авай уртах,
Чи лезгийрин кьилин дамах.
Ша, ашкъидив кхьиз алахъ.
За мад хабар хъганава,
Квез мад цlийи шиирар гваз
Шаир Къудрат хтанава.

Валлагь дустар мукlвал-мукlвал
Жуван ширин дидед чlалал
Ара датlуз акъатдайвал,
За пуд газет кхьенава,
Кхьихь куьнен лугьуз къекъвез,
Шаир Къудрат хтанава.