Ватандиз

Сифте къелем Ватандиз
Шиир кхьиз кьазва за.
Гуьзел Азербайжандиз,
Кlелиз рекье твазва за.
Гьар уьлкведин булахрай
Шербет ятар хъвазва за.
И шербетдин цел элдиз,
Къизилгуьлер цазва за.

Къизилгуьлдин атирд ни,
Чи тавлара твазва за.
Тавханадин ачарар,
Чи халкьарив тазва за.
Гьар са юкъуз виш сефер
Рикlиз жедай хуш ама.
Ашкъидивни лап иер,
Кlела лезгид руш ама.

Кхьей шаир зун ятlан,
Са зи фикир туш ама.
Виш уьлкведин халкьариз,
Жедай гьикьван нуш ама.
За Ватандиз гайиди,
Ватанди заз хъгузва.
Ватандихъ рикl кайиди,
Къагьриман я, лугьузва.