Вугар Идрисов

Гьалал хьурай ваз Вугар стха рик1ивди я и верци ванар

Идрис Фийивидиз суални я, жавабни:
Зун зи к1вале вуч мугьман хьанват1а?
Ватан акваз вучиз пашман хьанват1а?
Вирибуру гузва дерин суалар?
Вучих чна ийизва чун усалар.

Акунач заз сада кьванни чан гана,
Чун вил алаз акъвазнава чарадал.
Сада кьванни аквазвач заз, къван гана,
А пис инсан ярх авуна кьарадал.

Чазни чизва, буьркьуьбур туш, аквазва,
Гьк1 жува-жув кьиналди кар туьк1уьдач.
Ватан акваз, эхиз тежез дак1вазва.
Я тарихдин чарчел чи т1вар кхьидач.

Лезги халкьар санал хкун паталди,
Чахъ рагьберар к1анда дуьз рехъ къалурдай.
Чун вил алаз акъвазунал гаталди,
Чахъ чил амач, техилривди ац1урдай.

Гьак1 чна чун вегьеналди чархалай,
Чаз азадвал, я чаз садвал гудай туш.
Гьак1 шиирар к1елуналди хуралай,
А душманар ц1а тутунмаз кудай туш.

Идрис стха, ви гъавурда гьатзава,
Вучиз эрч1и гъил тахьана эллерин,
Вучиз мугьман хьана, к1валяй катзава?
Иеси хьухь, жуван хайи к1валерин!

??сагърай

Ас Салям алейкум. Кто он откуда из каких лезгин?

Ам Фиярикай туша лугьузва