Агьед Агъаев

ЧIехи алим ва писатель Агъаев Агьед Гьажимурадович I924-йисан 22-мартдиз Ахцегьа дидедиз хьана. Хуьруьн мектеб, Сара-товдин ва Москвадин высший партийный школаяр куьтягьна, ада гзаф йисара Дагъустандин партиядин обкомда ва университетда философиядин кафедрадин зеведишвиле кIвалахна. Филологиядин илимрин кандидатвилин ва философиядин илимрин докторвилин дережаяр ва профессорвилин тIвар къазанмишна. Алимдин гъили-кай I00-лай виниз илимдин ктабар ва макъалаяр хкатна, абурун арада Етим Эминаз, СтIал Сулейманаз ва Ярагъ Мегьамедаз та-лукь ахтармишунар ава.
Писателвилин рехъ I950-йисуз "Шеф" гьикаядилай башламиш хьана. Пуд йисалай печатдай адан "Умуд" повесть кьилдин ктаб яз акъатна. А. Агъаев "Лезгияр" (I96I) ва "Пад хьайи рагъ" (I994) романрин автор я. Писателдин гьикаятдин эсерра лезги халкьдин важиблу месэлаяр къарагъарнава.
А. Агъаева философиядин ва литература ахтармишзавай илим-рик, гьикаятдик пай кутунва, абур вилик финиз таъсирзава. Ам Республикадин Э. Къапиеван тIварунихъ галай литературадин пре-миядин лауреат, дуьньядин халкьарин Дж. Соросан тIварунихъ галай премиядин лауреат, Дагъустандин ва Россиядин Федерация-дин илимрин лайихлу деятель ва РФ-дин писателрин союздин член я.

Акимов Къ. Х. «Лезги зарияр»