Квез муштулух

И мукьвара гьазур жезва ктаб зи,
КIватIна санал яхцIур йисан кхьинар.
Эхирни зун агакьзава мураддив,
Алудзава рикIел алай ифинар.

-Я Муьшкуьрви, ваз ви ктаб мубарак!-
Лугьурай заз яр-дустуни шад гафар.
Зулухъ фенвай уьмуьрдин чарх элкъуьрай,
Хтурай зи Илгьамд пери-зи гатфар.

Жегьилвилин цIай хтурай зи чандиз,
Къелемдик звер, кIуфук зи хъвер акатрай.
Квахьна тIалар, тIем хтурай зи тандиз,
Катна цифер, цавар михьиз алахьрай!

2008