Ракъинин ц1у кайт1ан къамат, ви ц1аярив ц1ай агакьдач,
Къакъатайла закай, тават, ви "къаярив" къай агакьдач.
Чаравили душманди хьиз кьурурна хьи "дувулар" зи,
Дарман вун я, жемирт1ун кат, ви теменрин пай агакьдач,
Зун аранда, вун кьакьанда, зи рик1ин пар заланди я,
Вун канивал я зи гъалат1, Аллагьдив зи "вай" агакьдач.
Зи кьуьд ч1имел гадни кьурах, зи салара майва жезмач,
Сефил я зун, ша, захъ агат, Муьшкуьрда вав тай агакьдач.
Гьикьван вуна авурт1ани йифиз-юкъуз зи рик1из т1ал,
Шагьмардан гьич жедач галат, ви патав зи "гьай" агакьдач.
Рубрика
Добавить комментарий