Ам кьисмет я,чаз АЛЛАГЬди кхьенвай

(Гаджиева Нарминадиз)

Чан Нармина,лугьун за ваз авайди:
Агь,бахтсузвал зерре чалай алатнач.
Чизва заз,зи т1вар на рик1е хуьдайди,
Тахсир зид туш. Чав муьгьуьббат агатнач.

Чаз кьисметди санал жер югъ къалурнач,
Датlана чун чавай яргъаз суьргуьна.
Гьич са йифиз секиндиз лап ксурнач,
Жегьилзамаз туна хьи чун дердина.

Аман АЛЛАГЬ ихьтин эхир жедайди,
Чиз-чиз на чун куьз танишар авуна?
Чи кlанивал бахтсузвили недайди,
Чаз эвелдай куьз лагьанач хьи вуна?

Агь,шехьмир вун гьар зун рикlел хтай кьван,
Ам кьисмет я,чаз АЛЛАГЬди кхьенвай.
Са юкъуз ваз маса ярдин жеда ван,
Сад АЛЛАГЬди вун паталди халкьнавай.

Жегьилар я,чун гележег вилик квай,
Такурай заз на пашманвал ч1угуна.
И дуьньядал вун бахтлу яз виридлай
Владиказ кlан я ВАЛЛАГЬ акуна