Халкьдикай халкь ийизвайди адан дидед чIал я.
Хайи халкьдин чlални литература вилик тухун патал чна и проект туькIуьрна, гъиле авай материалар санал кIватIна кIелдайбурук агакьарна. Гьа икI, дуьньядин гьар сана амукьзавай, кIел-кхьинал рикI алай лезгийриз хайи чlалал макъалаяр, халкьдин мецин туькӀуьрунар, шиирар кIелдай цIийи чка арадиз атана.
Сайтина дегь чIавалай гатIумна алай аямдин кхьирагрин, зарийрин уьумуьрдин рехъ, абуру арадиз гъайи эсерари кьетIен чка кьунва.
Хайи чIалаз, литературадиз, тарихдиз талукь электрон улубар, гафарганар сайтина кIватIна хьи, кlелзавайбуру абурукай менфят къачуна, чирвилер авайдалайни пара ийидавал.
Мультимедиадин хиле лезги грамматика чирзавай тестар, къугъунар, гьакIни гунугриз килигна шиирариз яб гуда мумкинвилер ава.
ЧIал квахьайтIа, чун са халкь хьиз тарихда амукьдач. Ша чна санал лезги чIалан михьивални иервал хуьн, ам вилик тухуз алахъин, къвезвай несилрив агакьарин.
Къе 10 йис я чна и проектдин кьилел акъваз тавуна кIвалахиз. ЧIавар алатундивай сайтин акунарни аямдиз кутугдайвал туькIуьрна.
| 2007 йис: | 2010 йис: | 2012 йис: | 2015 йис: | 2020 йис: |
 |  |  |  |  |
Чакай кхьенай:
- "Лезги газет" (№15, 2012 йис)
- "Эренлардин сес" газет
- "КцIар газет" (2013 йис)
- "Лезги газет" (2019 йис)